ಮಂಗಳೂರಿನ ಫ್ಯಾನೆಟ್ ಪ್ರೊಫೆಷನಲ್ ಸಲೂನ್ ಗ್ರೂಪ್ ಮಾಲಕ ಪ್ರಭಾಕರ ಶೆಟ್ಟಿ, ರಾಷ್ಟ್ರೀಯ ಹಾಗೂ ಅಂತರ್ರಾಷ್ಟ್ರೀಯ ಕಲಾವಿದ ವಿ.ಜೆ ಡಿಕ್ಷನ್, ಫ್ಯಾಷನ್ ಮಾಡಲ್ ಯಶಸ್ವಿ ದೇವಾಡಿಗ, ಕಾಲೇಜು ಆಡಳಿತಾಧಿಕಾರಿ ಅರ್ಪಿತ್‌ ಟಿ.ಎ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಪ್ರಕೃತಿ ಪ್ರಾರ್ಥಿಸಿದರು. ಅಕ್ಷಯ ಕಾಲೇಜಿನ ಪ್ರಾಂಶುಪಾಲ ಸಂಪತ್ ಪಿ.ವಕ್ಕಳರವರು ಪ್ರಾಸ್ತಾವಿಕವಾಗಿ ಮಾತನಾಡಿ, ಕಾಲೇಜಿನ ಕೋರ್ಸ್ ಗಳ ಬಗ್ಗೆ ತಿಳಿಸಿದರು. ಅಕ್ಷಯ ಕಾಲೇಜಿನ ಚೇರ್ ಮಾನ್ ಜಯಂತ್‌ ನಡುಬೈಲುರವರು ಸ್ವಾಗತಿಸಿ, ಕಾಲೇಜಿನ ಫ್ಯಾಷನ್ ಡಿಸೈನಿಂಗ್ ಉಪನ್ಯಾಸಕಿ ಹಾಗೂ ಸಂಯೋಜಕಿ ದೀಪ್ತಿ ವಂದಿಸಿದರು. ಉಪನ್ಯಾಸಕರಾದ ಕಿಶೋರ್ ಕುಮಾರ್, ದೀಕ್ಷಾ, ರೋಶನ್ ಕುವ, ಅನುಷಾ, ರಕ್ಷಣ್ ಟಿ.ಆರ್, ಕಾಲೇಜು ಆಡಳಿತ ಸಮಿತಿ ಸದಸ್ಯರಾದ ಪಿ.ವಿ ನಾರಾಯಣನ್, ಕೃಷ್ಣಪ್ಪ ಕೆ.ರವರು ಅತಿಥಿಗಳಿಗೆ ಹೂಗುಚ್ಛ ನೀಡಿ ಸ್ವಾಗತಿಸಿದರು. ಉಪನ್ಯಾಸಕರಾದ ಮೇಘ, ಪ್ರತೀಕ್ ಶೆಟ್ಟಿ ಗ್ರಂಥಪಾಲಕಿ ಪ್ರಭಾವತಿರವರು ಅತಿಥಿಗಳ ಪರಿಚಯ ಮಾಡಿದರು. ಶ್ರೀಮತಿ ರಶ್ಮಿ ಕೆ. ಕಾರ್ಯಕ್ರಮ ನಿರೂಪಿಸಿದರು.

ವಿದ್ಯಾರ್ಥಿಗಳಿಂದ ರ್ಯಾಂಪ್ ವಾಕ್ಸ್
ಕಾರ್ಯಕ್ರಮದಲ್ಲಿ ಕಾಲೇಜಿನ ಫ್ಯಾಷನ್‌ ಡಿಸೈನಿಂಗ್ ವಿಭಾಗದೊಂದಿಗೆ ಇತರ ವಿಭಾಗದ ಕೋರ್ಸ್ ಗಳಲ್ಲಿನ 163 ವಿದ್ಯಾರ್ಥಿಗಳು ಅಲ್ಲದೆ ಹೂರ ಕಾಲೇಜಿನ 23 ವಿದ್ಯಾರ್ಥಿಗಳು ಹೀಗೆ ಒಟ್ಟಾಗಿ 27 ತಂಡಗಳಿಂದ ಆಕರ್ಷಕ ವಸ್ತ್ರವಿನ್ಯಾಸದೊಂದಿಗೆ ರ್ಯಾಂಪ್ ವಾಕ್ ನೆರವೇರಲ್ಪಟ್ಟಿತು. ಇದರ ಜೊತೆಗೆ 47 ಮಂದಿ ಪುಟ್ಟ ಮಕ್ಕಳು, ಮಿಸ್ ಕರ್ನಾಟಕ, ಮಿಸ್ಟರ್ ಕರ್ನಾಟಕ, ಕೋಸಲ್ ಕರ್ನಾಟಕ, ತುಳುನಾಡು ಹೀಗೆ ಪ್ರತಿಭಾನ್ವಿತರು ಫ್ಯಾಷನ್‌ ನಲ್ಲಿ ಪಾಲ್ಗೊಂಡರು.

ನೃತ್ಯಧಾರೆ
ಈ ಸಂದರ್ಭದಲ್ಲಿ ವಿಶೇಷ ಆಕರ್ಷಣೆಯಾಗಿ ವಿಶ್ವಕಲಾ ನಿಕೇತನ ಇನ್ಸಿಟ್ಯೂಟ್ ಆಫ್ ಆರ್ಟ್ ಅಂಡ್ ಕಲ್ಕರ್ ಸಂಸ್ಥೆಯ ವಿದುಷಿ ನಯನಾ ವಿ., ವಿದುಷಿ ಸಸ್ತಿಕಾ ಶೆಟ್ಟಿರವರ ನೇತೃತ್ವದಲ್ಲಿ “ನೃತ್ಯಧಾರೆ” ನಡೆಯಿತು.